Oinarrizko instalazioa

Disko gogorra zatitzerakoan, gutxienez 1 GB-eko partizio bat egin antibirusetik pasatu behar diren fitxategiak metatzeko. Gomendatzen dira 4 partizio: /boot, /, swap eta aipaturiko beste hori. Partizio hau ez da muntatu behar oraingoz. Partizio honen fitxategi sistema, ext3 izan behar da.

Ohikoa den bezala instalatu Debian edo Ubuntu.

Banaketa eguneratu:

    apt-get update
    apt-get upgrade

/etc/hosts fitxategian, ordenagailuaren izena jarri. Holako zerbait geratuko litzateke:

127.0.0.1    localhost.localdomain    localhost    MYHOSTNAME
10.xxxxxx    MYHOSTNAME.MYDOMAIN    MYHOSTNAME

Egiaztatu /etc/resolv.conf fitxategiak, izen zerbitzari zuzenak izan ditzala.

Behar ditugun programak instalatu

Gure aplikaziorako, pakete gehiago instalatu behar ditugu. Honela egingo dugu:

    apt-get install zip unzip lzip arj unrar-free gzip bzip2 lynx ssh
    apt-get install apache2 libapache2-mod-php5 php5 php5-cli squid clamav

Ubuntu 12.04 banaketaren kasuan berriz:

    apt-get install zip unzip lzip arj lha unrar-free gzip bzip2 lynx ssh
    apt-get install apache2 libapache2-mod-php5 php5 php5-cli squid clamav

Squeeze banaketaren kasuan ntpdate eta sudo instalatu eta berrabiarazi apache.

    apt-get install ntpdate sudo
    service apache2 restart
Ordua!, ordua!, ordua!

Oso garrantzitsua da ordua sinkronizatzea sareko ordenagailuen artean. Gure atzipen kontrolak ordua sinkronizatu beharko du gure sareko ordu zerbitzariarekin. ntpdate beti instalatzen da erabiltzen ditugun Linux banaketetan. Orduro sinkronizatu behar du ordua erloju batekin.

/etc/default/ntpdate fitxategian hau jarriko dugu:

NTPDATE_USE_NTP_CONF=no
NTPDATE_SERVERS="ntp1.nire-eskola.net ntp2.nire-eskola.net"

Orain ntpdate-cron fitxategia sortuko dugu /etc/cron-hourly/ direktorioan. Hona hemen bere edukia:

#!/bin/bash

. /etc/default/ntpdate
ntpdate $NTPDATE_SERVERS

Orain exekutagarria egingo dugu fitxategia:

     chmod 0755 /etc/cron.hourly/ntpdate-cron

Gure Internet Atzipen Kontrola DMZn badago, atzipena gaitu behar dugu suhesian.

Source

Destination

Service

Action

Internet Atzipen Kontrola

Sareko denbora zerbitzaria

NTP(UDP) (123)

Accept